UGT e CCOO convocan mobilizacións para o 18 de febreiro en toda España, porque asistimos a un retroceso inaceptable das liberdades públicas e das vías de participación democrática. Opoñémonos a este intento de restrinxir dereitos fundamentais, baseándonos nos principios democráticos que emanan da Constitución, e reclamamos a derrogación do artigo 315.3 do Código penal, que vulnera o exercicio do dereito a folga.
A folga é un dereito fundamental recoñecido en case todos os países do mundo, pero estase intentando restrinxir o seu exercicio para, ao tempo, silenciar a cidadanía. Criminalizáronse as actuacións de trescentos sindicalistas en defensa dos dereitos dos traballadores e as traballadoras; entre eles, catro son de Galicia: Carlos, Serafín, Ana e Tamara, todos con penas de prisión de tres anos e esperando a que se lles dea resposta ás peticións de indulto. Mentres tanto, continúan as mobilizacións na súa defensa.
| PARTICIPA! |
| Mobilizacións 18 F. |
| Localidade | Hora | Lugar |
| A Coruña | 20.00 | Manifestación: Praza Palloza |
| Vilagarcía | 12.00 | Concentración: Praza de Ravella |
| Ferrol | 12.00 | Concentración Fronte edificio Xunta. Praza España. |
| Lugo | 20.00 | Concentración Subdelegación do Goberno. |
| Burela | 20.00 | Concentración Praza da Mariña. Burela |
| Ourense | 12.00 | Concentración diante Subdelegación do Goberno. |
| Vigo | 12.00 | Concentración diante Museo Marco, Rúa Príncipe. |
|
No hay comentarios:
Publicar un comentario