O convenio prorrogase por un ano, mentres seguen as negociacións e unha sentencia da Audiencia Nacional establece que seguen vixentes os convenios colectivos aprobados antes da Reforma Laboral

O Comité de empresa achegoulle unha proposta ao Concello para manter a vixencia do Convenio actual mentres proseguen as negociacións dun novo convenio, para tentar evitar as nefastas consecuencias que podería ter a inexistencia dun convenio que regulase as relacións e condicións laborais no concello.

  Pola súa banda o Concello levou unha proposta ao pleno que foi aprobada por unanimidade por todos os grupos políticos para prorrogar por un ano a vixencia do convenio colectivo. A proposta do Concello foi a de prorrogalo por un ano frente á do Comité que buscaba  que o convenio estivese vixente ata a aprobación e entrada en vixencia dun novo convenio. 

Agardamos que as negociacións se retomen e podamos arranxar e acordar con celeridade os puntos que quedan pendientes de tratar coa administración para poder ter es marco normativo que nos permita unha maior seguridade a todos os traballadores deste concello.

En todo caso a Audiencia Nacional deu un xiro importante nestas últimas semanas á situación, pois nunha sentencia establece claramente que seguen vixentes aqueles convenios colectivos aprobados antes da Reforma Laboral, que teñan algunha clausula que estableza que o convenio se prorrogará automáticamente mentres non se asine un novo.